კეთილშობილი დაფნის ფასიც გაკეთილშობილდა-ასე რომ დროა გავაშენოთ

458 Views Comment Off

ჩვენში გავრცელებული კეთილშობილი დაფნის ჯიში, ძირითადად, კომუნისტების დროინდელ ხანად წოდებულ დროში მოიხმარებოდა აქტიურად. მართალია, მაშინ კილოგრამი დაფნის ფასი მაღალი არ იყო, მაგრამ დამზადება აქტიურად ხდებოდა. გეგმაც კი არსებობდა, კერძო პირს თუ კოლმეურნეობას რამდენი კილოგრამი უნდა ჩაებარებინა.

შემდეგ, როცა სახელმწიფო სისტემა შეიცვალა, ცვლილებები ყველაფერზე აისახა და დაფნის კრეფა და ჩაბარება აღარავის ახსოვდა. ძირითადად, კეთილშობილი დაფნა ან გაველურდა, ან მოჭრეს და ამოძირკვეს.

გასულ წელს დასავლეთ საქართველოში კვლავ გამოჩნდნენ დაფნის ფოთლის დამზადების მსურველები და რამდენიმე თვის წინ კილოგრამი დაფნა 70 თეთრი ღირდა. დღეისთვის კი კილოგრამ დაფნის გამხმარ ფოთოლს ორლარნახევრად იბარებენ.

მართალია, დაფნის კვლავ გაშენების მსურველთა რიცხვი ბევრი არ არის, მაგრამ არა ერთი ადამიანი ეძებს სამეზობლო ეზოებსა თუ ტყეებში დაფნის ხემცენარეს, რათა ფოთოლი მოკრიფოს და დაამზადოს.

როგორც მიმღებ პუნქტებში მომუშავენი გვეუბნებიან, დაფნის ხმელი ფოთლის გატანა, ძირითადად, რუსეთში ხდება და მოთხოვნა მზარდია, რადგან ფასი დღითიდღე იმატებს.

დაფნა დეკორატიული მცენარეცაა, უხდება გაკრეჭა. მისი ცოცხალი ღობე და ბორდიურები ადვილად გასაკეთებელია, მცენარეს არ უჭირს გახარება და მისი მოვლა განსაკუთრებულ მძიმე შრომას არ ითხოვს.

ადვილი მოსალოდნელია, დაფნის კულტურა კვლავ მოთხოვნადი და პოპულარული გახდეს და გარდა სიმბოლური მნიშვნელობისა (როცა ძველი ბერძნული მითოლოგიის თანახმად, ხელოვნების ღმერთ აპოლონის აუცილებელი ატრიბუტი იყო), ჩვენი კარმიდამოებისა თუ კულტურული დასვენების პარკებისა და ხეივნების გამორჩეული მშვენება გახდეს.

ყველას, ვინც დაფნას მოიხმარს, უნდა ახსოვდეს, რომ მცენარის ღეროები ხელის პატარა ხერხით უნდა გადაჭრას და ერიდოს ცულითა და წალდით ჩაჩეხვას, თუ გვინდა, რომ ის ძველებურად ამართლებდეს კეთილშობილის («ლაურის ნობილის») სახელს.

მარინე ჩიხლაძე
წყარო: gurianews.com
agrokavkaz.ge

იხილეთ აგრეთვე: დაფნის პლანტაციის გაშენების წესები და ტექნოლოგიები
დაფნის მოვლა-მოყვანის თანამედროვე აგროტექნოლოგია

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
გამოიყენეთ ბუნებრივი ანტიბიოტიკები — იყავით ჯამრთელი!
1206 Views

ხშირად გაციების ან სხვა საჭიროების გამო, აუცილებელი ხდება ანტიბიოტიკების გამოყენება. ეს კი იწვევს იმუნიტეტის დაქვეითებას და სასარგებლო ბაქტერიების განადგურებას. შესაძლებლობის ფარგლებში, კარგი იქნება თუ ქიმიურ საშუალებებს ბუნებრივით ჩაანაცვლებთ. წარმოგიდგენთ რამდენიმე

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1303 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB