წელს მეფუტკრემ ადრიანად უნდა შეამზადოს ფუტკარი გაზაფხულისთვის

342 Views Comment Off

საფუტკრე მეურნეობებში ამ დროისთვის ჩასატარებელ სამუშაოებზე გვესაუბრება მეფუტკრე ლაშა გურგენიძე:

წელს, შარშანდელთან შედარებით, ადრიანი გაზაფხული გვექნება. ორი კვირით  ადრე აყვავდა თხილი და ამიტომ მეფუტკრემაც ადრიანად უნდა შეამზადოს ფუტკარი გაზაფხულისთვის.

ჯერჯერობით კარგი ამინდებია. თებერვალში სიცივეებს თუ დაიჭერს და მოთოვს, ნუ შეგეშინდებათ. უკვე უნდა დავიწყოთ ფუტკრის კანდით კვება. აუცილებელია, რომ კანდთან ერთად პროფილაქტიკის მიზნით ფუტკარს მივცეთ ანტიბიოტიკი და ნიორი.

კანდის მომზადების წესი:

2კგ შაქრის პუდრი უნდა შეურიოთ ერთ კილომდე გამთბარ თაფლს, თან უნდა შეიზილოს ერთი თავი ნიორი, ერთი გრამი ნატრი ან ორი გრამი ოქსი. კანდთან ერთად დაუშვებელია დედის სტიმულატორის მიცემა.

ჩემი რჩევაა, რომ ჯერჯერობით ვაჟინი (სიროფი) არ მისცეთ ფუტკარს. სიცივეში სიროფი ამჟავდება. კანდი, მთელი წელიც რომ ედოს ფუტკარს სკაში, თუ ის ნატურალურ თაფლშია მოზელილი არ გაფუჭდება. კანდს ფუტკარი მაშინ იღებს, როცა სჭირდება.

ამ პერიოდში, ვისაც მოუწესრიგებელი სკები აქვს, სკაში აუცილებლად შევიდოდა მღრღნელები, – განსაკუთრებით კავკასიური ბიგა, რომელიც ფუტკრით იკვებება. მღრღნელები უნდა გაანადგუროთ.

სკების ზედაპირული დათვალიერებით მიხვდება მეფუტკრე, ფუტკარი თუ გაქრა სკაში. ასეთ სკებში ჩარჩოები უნდა გადავარჩინოთ.

ჩემი დაკვირვებით, რადგან ადრეული გაზაფხული გვექნება, მეფუტkრემაც ადრიანად უნდა დაიწყოს მუშაობა, რომ შედეგიანი და ეფექტური იყოს მისთვის გაზაფხულისა და ზაფხულის პერიოდები.

გაზეთი «ჩემი ხარაგაული»

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
აგროსფერო
კლაასი
თქვენი საეკლამო ბანერი
Georgian Dairy
AgroPlus
მარანში ტემპერატურის რეგულირების ზოგიერთი საკითხი
2398 Views

პრობლემატური საკითხიდან გამომდინარე გვინდა, ორიოდე სიტყვით მოგახსენოთ ჩვენი მოსაზრება იმ საგნის შესახებ, რასაც მარანში ჰაერის

სრულად
სამკურნალო მცენარეები
კუნელი — სამკურნალო მცენარე, რამდენიმე რეცეპტი
1516 Views

კუნელის (ლათ. Crataegus; რუს. Боярышник) მრავალი სახეობა არსებობს. ამათგან სამკურნალოდ იყენებენ ძირითადად ორი სახეობის კუნელს – ეკლიანს ანუ ჩვეულებრივ 

სრულად
აგროკავკასია FB