რა არის ცხვრისა და თხის ყვავილი

937 Views

რა არის ცხვრისა და თხის ყვავილი?

ცხვრისა და თხის ყვავილი მწვავე ვირუსული ინფექციური დაავადებაა, რომელიც მოკლე პერიოდში ვრცელდება სწრაფად, ხასიათდება კანსა და ლორწოვან გარსებზე გამონაყარით.

რომელი ცხოველები ავადდებიან ცხვრისა და თხის ყვავილი?

ავადდება ყველა ჯიშისა და ასაკის ცხვარი და თხა. სიკვდილიანობამ მოზარდ ცხოველებში შესაძლოა მიაღწიოს 50%-ს.

რა საფრთხეს წარმოადგენს ცხვრისა და თხის ყვავილი ადამიანებში?

ადამიანი ცხვრისა და თხის ყვავილით არ ავადდება, თუმცა დაავადებას მოაქვს ძალიან დიდი ეკონომიური ზარალი.

როგორ ხდება ცხვრისა და თხის ყვავილის გავრცელება?

ყვავილის გავრცელების წყაროა ავადმყოფი და ვირუსმატარებელი ცხოველი ინკუბაციურ პერიოდში და კლინიკური გამოჯანმრთელების შემდეგ. ავადმყოფი ცხოველის ორგანიზმიდან ვირუსი გამოიყოფა ცხვირიდან და თვალიდან გამონადენებთან ერთად.

ყვავილი განსაკუთრებით სწრაფად ვრცელდება ავადმყოფი და ჯანმრთელი ცხოველების ერთად შენახვის დროს. დაავადების გავრცელებაში გარკვეულ როლს ასრულებენ მწერები, დაავადების გადაცემა აგრეთვე შესაძლებელია მოხდეს ვირუსით დასვრილი საკვებით, მოვლის საშუალებებით, ტყავით, მატყლით და სხვა.

რა სიმპტომები (კლინიკური ნიშნები) აქვს ცხვრისა და თხის ყვავილს?

ინკუბაციური (ფარული) პერიოდი გრძელდება 8-13 დღე. ავადმყოფობა იწყება მოწყენილობით, ძლიერი ცხელებით (41-420 C) ცხვირიდან და თვალიდან ლორწოვან-ჩირქოვანი გამონადენით. შესამჩნევია მადის დაქვეითება, გახშირებული სუნთქვა.

დაავადებიდან რამოდენიმე დღეში კანზე ჩნდება გამონაყარი. დასაწყისში წარმოიქმნება წითელი ლაქები, ხოლო ორი დღის შემდეგ მათ ცენტრში ჩნდება კვანძები, რომელიც სწრაფად იზრდება და აღწევს დიამეტრით 12-15 მმ-ს. კვანძები განლაგებულია მთელს სხეულზე განსაკუთრებით კანის უმატყლო ადგილებში და ცურზე.

ყვავილი ჩნდება წლის ნებისმიერ დროს, განსაკუთრებით ინტენსიურად ცივ და ტენიან ამინდში.

როგორ უნდა მოვიქცეთ ცხვრისა და თხის ყვავილზე ეჭვის მიტანის შემთხვევაში?

საეჭვო შემთხვევის დროს უნდა მოხდეს დაავადებაზე ცხოველების იზოლაცია და ვეტერინარი ექიმის გამოძახება.

როგორ ხდება ცხვრისა და თხის ყვავილის დიაგნოზის დადგენა?

დიაგნოზი შეძლება დაისვას კლინიკური დათვალიერებისა და პათოლოგიური მასალის ლაბორატორიული გამოკვლევის საფუძველზე. ლაბორატორიაში გამოკვლევებისათვის იგზავნება: კანის დაზიანებული ადგილებიდან აღებული ანაფხეკი, სისხლი, შრატი და ლიმფური კვანძებიან აღებული სითხე. ნეკროფსიის (გაკვეთის) შემთხვევაში კი – ლიმფური ჯირკვლები, ყველა სახის ქსოვილი განსაკუთრებით დაზიანებული უბნებით.

როგორ ხდება ცხვრისა და თხის ყვავილის მკურნალობა?

დაავადების შემთხვევის დროს, ხდება ავდმყოფი ცხოველების გამოცალკავება მშრალ და თბილ სადგომებში და მათი უზრუნველყოფა ადვილად მოსანელებელი საკვებით. მკურნალობენ ქიმიოთერაპიული პრეპარატებით და ანტიბიოტიკებით მეორადი ინფექციების თავიდან აცილების მიზნით.

როგორ ხდება ცხვრისა და თხის ყვავილის პრევენცია და კონტროლი?

• ფარეხების დეზინფექცია;

• მკვდარი ცხოველების გაუვნებლობა (ლეში დაწვა მატყლთან და ტყავთან ერთად).

• ცხოველების ვაქცინაცია ითვლება ყველაზე ეფექტურ კონტროლის ღონისძიებად.

სურსათის ეროვნული სააგენტო, წყარო: www.oie.int ეპოდემიოლოგია და ცხოველთა ინფექციური დაავადებები – ჯემალ ბაბაკიშვილი 2012

56Shares

Related Articles

კარტლისი – აგროტექნოლოგიები
თქვენი რეკლამა
აგრომარკეტი
ელექსირი
Georgian Dairy
აგრარული საქართველო
ბიზნეს გეგმა
აგროკავკასია FB