ბოსტნეული კულტურები — ქოთნის ჩითილი უხვი მოსავლის გარანტიაა

4101 Views Comment Off

ბოსტნეულის ნახევარზე მეტი ჩითილის მეშვეობით იწარმოება. ამისთვის კი იყენებენ პოლიეთილენის აპკით გადახურულ სათბურებს, ანდა მზიან ფანჯრებს საცხოვრებელ სახლებში, სადაც რაფებზე დაწყობილ ყუთებში თესავენ გადასარგავ კულტურებს.

ასე გამოჰყავთ არამარტო ბოსტნეულის, არამედ ბაღჩეული კულტურების (საზამთრო, ნესვი და სხვა.) სარგავი მასალა. ამ მეთოდით ხდება 30-35 დღით წინგასწრება, რის შედეგადაც ვამცირებთ ვეგეტაციის ხანგრძლივობას და ვიღებთ ადრეულ მოსავალს.

სათბურებში პირდაპირ დათესილი ბოსტნეული და ბაღჩეული საჩითილე კულტურები უმეტესწილად ხშირი გამოდის. გადასარგავად ამოღებისას მათ ფესვები უზიანდებათ, რადგან სხვადასხვა მცენარის ფესვები ერთმანეთშია გადახლართული და ამოღებისას ზიანდება. დარგვისას ასეთი მცენარე გაჭირვებით ხარობს, ადვილად ავადდება და შესაძლოა დაიღუპოს კიდეც. ყოველ შემთხვევაში გადარგული მცენარეები სულ ცოტა 10-15 დღეს კარგავენ გახარებასა და ზრდაში წასვლამდე (ანუ 10-15 დღით გვიანდება მოსავლის აღება).

იმისათვის, რომ თავიდან ავიცილოთ ეს უარყოფითი მოვლენა, გამოცდილი მებოსტნეები უპირატესობას ანიჭებენ ტორფის და მუყაოს მცირე ქოთნებს, რომელშიც ჩაყრილია ნაყოფიერი მიწა და ჩათესილია რომელიმე კულტურის თესლი.

ამ დროს აღმოცენებული მცენარის ფესვთა სისტემა ვითარდება ჭურჭლის მთელს მოცულობაში და გადარგვისას არავითარ ცვლილებას არ განიცდის, ადვილად ხარობს და სწრაფად იზრდება. ადვილად არ ავადდება, გამძლეა სიცივის მიმართ.

ამასთან ერთად თუ ნიადაგი განოყიერებული იქნება, მოსავლის რაოდენობრივი და ხარისხობრივი მაჩვენებლებიც უფრო გაიზრდება. ასეთ შემთხვევაში მცენარე ძალიან კარგად იყენებს საკვებ ნივთიერებებს და დასაწყისშივე თამამდება. გასანოყიერებლად ძრითადად გამოიყენება ტორფის, გადამწვარი ნაკელისა და ყამირი მიწის ნაშალი მასა.

ამავე დროს უნდა გავითვალისწინოთ რომ მიწას არ უნდა შეერიოს სარეველები, რომლებიდანაც შეიძლება გავრცელდეს სოკოვანი და სხვა დაავადებები. გადამწვარი ნაკელი კი 2-3_ჯერ მდიდარია კვების ელემენტებით, ვიდრე ყველაზე ნოყიერი ნიადაგი.

არ უნდა დაგვავიწყდეს, რომ ოთახის პირობებში ქოთნებში ანდა ყუთებში ჩითილის გამოყვანისას ყურადღება უნდა მიექცეს იმას, რომ მცენარეები თანდათანობით შევაჩვიოთ პირდაპირი მზის სხივების და საღი ჰაერის მოხვედრას. ეს ხდება მაშინ, როცა ჰაერის ტემპერატურა 15°-ზე მეტია და ამინდიც-უქარო. თუ საშუალებაა შეიძლება ჩითილის ყუთები გავიტანოთ გარეთ აივანზე ან ეზოში.

ყვავილოვანი და თავხვეული კომბოსტოს სარგავი მასალა უნდა გადაირგოს, როცა ნიადაგის ტემპერატურა 10 სმ სიღრმეზე 8°-ს მიაღწევს. გადარგვამდე დასარგავი ორმოები რეკომენდებულია მოირწყას. შემდეგ კი ამ ორმოებში ჩაიდგას ქოთანი ჩითილით და კარგად მიეყაროს მიწა. შემდეგში მორწყვა უნდა ჩატარდეს 3-5 დღის შემდეგ.

პამიდორის ჩითილის გამოზრდისას მნიშვნელოვანია მისი შეჩვევა სიცივისადმი. მათ შორის თესლის დათესვის წინ. გადარგვამდე პამიდვრის ნერგის გამოზრდას ესაჭიროება 40-45 დღე. ნიადაგში გადარგვა ხდება მაშინ, როცა მასობრივად დათბება და ტემპერატურის დაცემის საშიშროება გაივლის. ნიადაგის ტემპერატურა უნდა იყოს 14°c, ხოლო ჰაერის 18°c.

უნდა გვახსოვდეს რომ პამიდვრის ჩითილი ფოსფორისადმი. სწორედ ამიტომ, გადარგვისას 2-3 გრანულა სუპერფოსფატი მაინც უნდა შევიტანოთ ნიადაგში. მუდმივ ადგილზე გადარგვის დროს ყოველ ძირზე საჭიროა შეტანილ იქნეს 1 სუფრის კოვზი მიწაში შერეული სუპერფოსფატი. ამ დროს ინტენსიურად ვითარდება ფესვთა სისტემა, რაც განაპირობებს მცენარის დაჩქარებულ ზრდას.

ბადრიჯანი და წიწაკა სითბოს უფრო მეტად მომთხოვნი კულტურებია, ვიდრე პამიდორი და უფრო ნელა იზრდებიან. ამიტომაცაა, რომ მათი ჩითილის გამოზრდა 60-65 დღეს გრძელდება, მაგრამ ოთახის პირობებში შეიძლება ეს ვადა 40-45 დღემდე შევამციროთ.

ამ კულტურების ნერგის დარგვა წარმოებს პამიდვრის გადარგვის შემდეგ. წესები იგივეა, რაც პამიდვრის ნერგის გადარგვისას. წიწაკის და ბადრიჯნის ფესვები შედარებით ძნელად ეგუებიან ახალ გარემოს.

ნათია ჩიოკაძე
georgianels.wordpress.com
agrokavkaz.ge

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
აგროსფერო
კლაასი
თქვენი საეკლამო ბანერი
Georgian Dairy
AgroPlus
საქართველოში მებოცვრეობის განვითარების პერსპექტივები — ინტერვიუ ჯენიფერ ბოუმანთან
283 Views

„ვფიქრობ, საქართველო ბოცვრის ხორცის შესანიშნავი მიმწოდებელი შეიძლება იყოს სხვადასხვა ქვეყნისთვის, მათ შორის, ევროპისთვის  - ჯენიფერ

სრულად
სამკურნალო მცენარეები
ალოე — სამკურნალო თვისებები და რამდენიმე რეცეპტი
6030 Views

ალოე (ლათ. Aloe arborescens) საქართველოში ველური სახით არ გვხვდება, მაგრამ იგი თითქმის ყოველ ოჯახს აქვს და ყველასათვის კარგადაა ცნობილი, როგორც ოთახის

სრულად
აგროკავკასია FB