ფერმერის რჩევა-ჟოლო და მოცხარი ყველა კარმიდამოში უნდა ხარობდეს

2104 Views Comment Off

ჟოლოსა და მოცხარის ნარგავები, რომელსაც ჩვენთან უცხო ენის გავლენით დამკვიდრებული სახელებით მოიხსენიებენ _ «მალინა» და «სმაროდინა», ყველა მეურნის კარმიდამოში უნდა ხარობდეს.

ეს კენკროვანები როგორც საკვები, ისე კულინარიული და სამკურნალო ღირებულებებით ფასდაუდებელია.

ჟოლო უნიკალური კენკროვანი მცენარეა. ზამთრის კარგ ამინდში უკვე უნდა მოვახდინოთ ჟოლოს ყველა იმ ძველი ტოტის მოჭრა, რომელსაც უკვე ესხა ნაყოფი და დავტოვოთ მხოლოდ ახალი ნაყარები, ავაკრათ სარებზე და წვრილი წვეროები წავასხეპოთ.

ჟოლოს ძალიან უყვარს მზე, ჩრდილს ვერ ეგუება და უნდა გავითვალისწინოთ, რომ ის დიდი ხეების ქვეშ არ მოექცეს. მისთვის ადგილის მოძებნა კარმიდამოში მუდამ არის შესაძლებელი.

ჟოლოს ნაყოფის მურაბა, ჩაისთან ერთად, შესანიშნავი საშუალებაა გრიპის საწინააღმდეგოდ. ასევე, უგემრიელესი კომპოტი მზადდება და ცუკატების სახით დაშაქრული მისი ნაყოფი კულინარიაში ძალზე გემრიელი და ეფექტურია. ფოთლების ნაყენი და ნახარში კი ვირუსსაწინააღმდეგო ეფექტის მქონეა.

თებერვალი შესანიშნავი დროა ჟოლოს გადასარგავად და დასაკალმებად. ადვილად ხარობს და დაძაბულ შრომას არ ითხოვს.

მეორე კენკროვანი, რომელსაც «სმაროდინას» ვეძახით, მოცხარია და მის დასაკალმებლად, ჟოლოსგან განსხვავებით, ვარგისია, როგორც წინა წლის, ასევე ახალი კალმებიც.

თებერვალში მოცხარის ბუჩქის ძლიერი ყლორტები გადავაწვინოთ ბუჩქის ირგვლივ, რომელსაც წინასწარ ბარის პირით თხლად გავუჭრით კვალს, გადავაწვენთ სათითაოდ ტოტებს, დავაყრით მიწას და დავტოვებთ ისე, რომ ტოტების წვეროები, მიწის ზემოთ, 4-5 სმ ჩანდეს. ასე ყველა დაფესვიანდება და უმჯობესია, ერთი წლის შემდეგ გადავრგოთ.

მოცხარის კომპოტი თუ მურაბა, ისევე როგორც ჟოლოსი, უგემრიელესია, ფოთლების ნაყენი კი კარგი საშუალებაა ჰიპერტონიის, თირკმლის კენჭოვანი დაავადების, რევმატიზმის დროს.

გურია news

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
გამოიყენეთ ბუნებრივი ანტიბიოტიკები — იყავით ჯამრთელი!
1254 Views

ხშირად გაციების ან სხვა საჭიროების გამო, აუცილებელი ხდება ანტიბიოტიკების გამოყენება. ეს კი იწვევს იმუნიტეტის დაქვეითებას და სასარგებლო ბაქტერიების განადგურებას. შესაძლებლობის ფარგლებში, კარგი იქნება თუ ქიმიურ საშუალებებს ბუნებრივით ჩაანაცვლებთ. წარმოგიდგენთ რამდენიმე

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1309 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB