ციტრუსის ფორუმის მონაწილეები ნარინჯისფერ რთველში

45 Views

30 სექტემბერს ბათუმში ციტრუსის II საერთაშორისო ბიზნეს ფორუმი გაიმართება, სადაც ქართული ციტრუსის რეალიზაციისა და ექსპორტის საკითხები იქნება განხილული.

ღონისძიებაში მონაწილეობას მიიღებენ მეციტრუსეობის დარგის ადგილობრივი და უცხო ქვეყნების სხვადასხვა კომპანიის წარმომადგენლები.

ციტრუსის ფორუმის 9 ქვეყნის 33-მა წარმომადგენელმა ა(ა)იპ აგროსერვის ცენტრის ჩაქვის ციტრუსის სანერგე სადემონსტრაციო ნაკვეთში საადრეო მანდარინის კრეფაში მიიღეს მონაწილეობა.

ჩაქვის ციტრუსების სადემონსტრაციო ნაკვეთებზე გაშენებული ადგილობრივი და ინტროდუქცირებული ციტრუსის სახეობებისა და ჯიშების აგრობიოლოგიური და აგროტექნიკური პარამეტრების განსაზღვრა და ნიადაგურ-კლიმატურ პირობებთან შეგუების თვალსაზრისით პერსპექტიული და მათ შორის საადრეო ჯიშების გამოვლენა მიმდინარეობს.

4 წლიანი დაკვირვების შედეგად ინტროდუქცირებული მანდარინის ჯიშებიდან გამორჩეული იქნა 4 ჯიში (ნიჩინანი, ტაგუჩი ვასე, იურა ვასე, მიჰო ვასე), რომელიც ბოლო სამი წლის განმავლობაში რეგულარულად ხასიათდება უხვმოსავლიანობითა და ნაყოფის ადრემწიფადობით.

აღნიშნულიდან გამომდინარე, აგროსერვის ცენტრმა დაიწყო მანდარინის საადრეო ჯიშების ნერგის წარმოება. შედეგად 2016 წელს წარმოებული იქნა 8000 ძირი ნერგი, 2017 წელს წარმოებული იქნა 13000 ძირი ნერგი, რომელიც შეღავათიან ფასებში მიეწოდება ფერმერებს.

2018 წლისათვის გათვალისწინებულია 70000 ძირი ნერგის წარმოება.

რთველის შემდეგ სტუმრებმა დაათვალიერეს გვარას ხეხილისა და ვაზის სანერგე მეურნეობა, ღვინის სახლი, ციტრუსის მიმღებ-გადამამუშავებელ საწარმოს, შპს ,,TCF GEORGIA’’ და არასტანდარტული მანდარინის მიმღებ-გადამამუშავებელი საწარმოს შპს ,,Georgian industrial Asset Management Group’’-ი.

15Shares

Related Articles

კარტლისი – აგროტექნოლოგიები
თქვენი რეკლამა
აგრომარკეტი
ელექსირი
Georgian Dairy
აგრარული საქართველო
ბიზნეს გეგმა
აგროკავკასია FB