თბილისში ფესტივალი „ახალი მცირე მარნები დიდ ასპარეზზე“ გაიმართა

164 Views

„ქართული ღვინის კვირეულის» ფარგლებში თბილისის N1 ღვინის ქარხანაში, ფესტივალი  „ახალი მცირე მარნები დიდ ასპარეზზე 2017″ გაიმართა.

ღონისძიებაზე წარმოდგენილი 40-მდე ღვინის მარნის 200-მდე დასახელების ღვინის დაგემოვნების შესაძლებლობა დღეს ათასობით სტუმარს შეეძლო.

ღვინის ეროვნული სააგენტოს და საქართველოს ღვინის კლუბის ორგანიზებით,  ფესტივალი „ახალი მცირე მარნები დიდ ასპარეზზე» 2016 წელს პირველად  ჩატარდა და საკმაოდ დიდი ინტერესი გამოიწვია, რაზეც როგორც წლევანდელი მონაწილე მარნების, ისე სტუმრების გაზრდილი რაოდენობა მიუთითებდა. ღვინის ფესტივალში მონაწილეობას ცნობილი და ახალი მცირე მარნები იღებდნენ საქართველოს სხვადასხვა კუთხიდან.

სტუმრებს შესაძლებლობა ჰქონდათ გასაუბრებოდნენ მეღვინეებს, მიეღოთ მარნების შესახებ ამომწურავი ინფორმაცია, შეეძინათ ღვინოები. ფესტივალს ღვინის მწერალი და ღვინის კლუბის დამფუძნებელი, მალხაზ ხარბედია უძღვებოდა.

ფესტივალის მონაწილეებს ღვინის ეროვნული სააგენტოს თავმჯდომარე გიორგი სამანიშვილი მიესალმა. „საბედნიეროდ, საქართველოში დადებითი ტენდენციაა, რომ  მცირე და საშუალო ღვინის მარნები ვითარდება. დღეის მდგომარეობით, საქართველოში ოფიციალურად 700-მდე ღვინის მწარმოებელია და ძალიან ბევრი, ათასობითაა დაურეგისტრირებელი საოჯახო მარანი. იმედია, ეს თანდათან აისახება  ოფიციალურ მონაცემებში და გვექნება ათასობით მარანი არა მარტო კახეთში, არამედ მთელი საქართველოს მასშტაბით, რაც ამ ფესტივალს უფრო მეტ აზრს შესძენს და მცირე მარნების წარმომადგენლებს შესაძლებლობას მისცემს გაიცნონ  და გაუზიარონ საკუთარი ცოდნა და გამოცდილება ერთმანეთს“ — აღნიშნა გიორგი სამანიშვილმა.

ქართული  ღვინის დღე პირველად 2014 წელს აღინიშნა. ღონისძიებისადმი საქართველოს მოსახლეობისა და ტურისტების დიდი ინტერესის გათვალისწინებით, 2016 წელს გადაწყდა, რომ „ქართული ღვინის დღე» კვირეულის სახეს მიიღებდა.

2017 წელს ქართული ღვინის კირეული 29 სექტემბერს მარნეულში გაიხსნა და 8 ოქტომბერს თბილისში „ქართული ღვინის მე-4 ეროვნული კონკურსით» დასრულდება.

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
ორგანიკა
ორგანიკა, ბიო
Georgian Dairy
თქვენი რეკლამა
AgroPlus
ფერმერები სარწყავი წყლის მისაღებად ნისლს აგროვებენ
1279 Views

პერუს მაღალმთიანეთში მცხოვრები ფერმერები, სარწყავი წყლის მისღებად ნისლს აგროვებენ. სოფლის მეურნეობის პროდუქტების საწარმოებლად, აქაური ფერმერები ძირითადად კვირაში სამჯერ მოტანილი წყლის იმედად იყვნენ, ეხლა კი თვითონ

სრულად
სამკურნალო მცენარეები
მრავალძარღვა — უძველესი სამკურნალო მცენარე, რეცეპტები
3576 Views

მრავალძარღვა (ლათ. Plantago major) მრავალწლიანი ბალახოვანი მცენარეა მრავალძარღვასებრთა ოჯახიდან. ფესურა მოკლეა, სქელი, ვერტიკალური, ყოველი მხრიდან წვრილი ფუნჯა ფესვებით ფოთლები ქმნიან როზეტს, რომლის ცენტრიდან ამოდის უფოთლო

სრულად
აგროკავკასია FB