თბილისში მეთხილეობის განვითარების ფორუმი ჩატარდება

227 Views

2016 წლის 19 მაისს, ხუთშაბათს, 11:00 საათზე, თბილისი ”ქორთიარდ მერიოტი” უმასპინძლებს თხილის დარგის განვითარების მესამე ფორუმს.

ფორუმი ჩატარდება ევროპის სამეზობლო პროგრამის (ENPARD) ფარგლებში საქართველოს თხილის გადამამუშავებელთა და ექსპორტიორთა ასოციაციის ინიციატივით, დიდი ბრიტანეთის საქველმოქმედო ორგანიზაცია ”ოქსფამ”-ის ორგანიზებითა და ევროკავშირის დაფინანსებით.

ფორუმის  მიზანია სახელმწიფო სტრუქტურების და ამ სფეროში დასაქმებული კერძო საწარმოებისა და საერთაშორისო ორგანიზაციების ძალისხმევის გაერთიანება თხილის წარმოების სფეროს სრულფასოვან დარგად ჩამოყალიბებისათვის, ასევე წარმოების ზრდისა და მაღალხარისხიანი პროდუქციის ხელშეწყობა, საერთაშორისო სტანდარტების დანერგვისა და დაცვის  უზრუნველყოფით.

აღნიშნულ ფორუმში მონაწილეობას მიიღებენ საქართველოს ვიცე-პრემიერი, ბატონი დიმიტრი ქუმსიშვილი, პარლამენტის წევრები, სოფლის მეურნეობის, ეკონომიკისა და მდგრადი განვითარების და ფინანსთა სამინისტროების ხელმძღვანელი პირები;

ასევე ევროკავშირის, ამერიკის შეერთებული შტატების საერთაშორისო განვითარების სააგენტოს (USAID), გაეროს განვითარების პროგრამის (UNDP), ENPARD-ის განმახორციელებელი კონსორციუმებისა და ბენეფიციარი სასოფლო-სამეურნეო კოოპერატივების წარმომადგენლები; თხილის დარგში მოღვაწე წამყვანი სპეციალისტები და მეცნიერები, თხილის გადამამუშავებელი ადგილობრივი და უცხოური საწარმოების, ექსპორტიორი ორგანიზაციების, ადგილობრივი ხელისუფლებისა და სამოქალაქო საზოგადოების წარმომადგენლები.

როგორც ცნობილია, საქართველოსთვის თხილი უმსხვილესი და სტრატეგიულად უმნიშვნელოვანესი საექსპორტო დარგია. მაღალხარისხიანი პროდუქციის შექმნის ხელშეწყობა და ეფექტური საწარმოო პრაქტიკის დანერგვა გააძლიერებს ქვეყნის პოტენციალს დაიკავოს მოწინავე ადგილი თხილის მწარმოებელ და ექსპორტიორ უმსხვილეს ქვეყნებს შორის.

ფორუმი წარმოადგენს საკოორდინაციო პლატფორმას საქართველოში თხილის დარგისა და ბიზნესის განვითარებით დაინტერესებული ნებისმიერი მხარისთვის, რის ფარგლებშიც დაგეგმილია საზოგადებასა და მთავრობას შორის აღნიშნული დარგის განვითარების ხელშემწყობი პოლიტიკის ერთობლივად გამომუშავება და მისი კოორდინირებულად და გამჭვირვალედ განხორციელების უზრუნველყოფა.

ფორუმის მონაწილეებს საშუალება ექნებათ გაეცნონ მთავრობის  გეგმებსა და პროგრამებს ამ დარგთან მიმართებაში და აგრეთვე  გააჟღერონ თხილის წარმოებასთან დაკავშირებული ხედვები და პრობლემური საკითხები, რაც ხელს შეუწყობს დარგის განვითარების პროცესში საზოგადოების აქტიურ ჩართულობას და ერთობლივი სამოქმედო გზების შემუშავებას.

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
ორგანიკა
ორგანიკა, ბიო
Georgian Dairy
თქვენი რეკლამა
AgroPlus
ფერმერები სარწყავი წყლის მისაღებად ნისლს აგროვებენ
1289 Views

პერუს მაღალმთიანეთში მცხოვრები ფერმერები, სარწყავი წყლის მისღებად ნისლს აგროვებენ. სოფლის მეურნეობის პროდუქტების საწარმოებლად, აქაური ფერმერები ძირითადად კვირაში სამჯერ მოტანილი წყლის იმედად იყვნენ, ეხლა კი თვითონ

სრულად
სამკურნალო მცენარეები
მრავალძარღვა — უძველესი სამკურნალო მცენარე, რეცეპტები
3605 Views

მრავალძარღვა (ლათ. Plantago major) მრავალწლიანი ბალახოვანი მცენარეა მრავალძარღვასებრთა ოჯახიდან. ფესურა მოკლეა, სქელი, ვერტიკალური, ყოველი მხრიდან წვრილი ფუნჯა ფესვებით ფოთლები ქმნიან როზეტს, რომლის ცენტრიდან ამოდის უფოთლო

სრულად
აგროკავკასია FB