თბილისში რძის სექტორის მეორე კავკასიური კონგრესი ჩატარდება

139 Views

2018 წლის 14 მარტს, თბილისში, სასტუმრო რედისონ ბლუ ივერიაში, რძის სექტორის მეორე კავკასიური კონგრესი ჩატარდება.

კავკასიის საერთაშორისო რძის კონგრესი წარმოადგენს გაეროს სურსათისა და სოფლის მეურნეობის ორგანიზაციისა (FAO) და ევროპის რეკონსტრუქციისა და განვითარების ბანკის (EBRD) ერთობლივი ინიციატივას, რომელიც ხორციელდება „სურსათის უვნებლობის გაუმჯობესება საქართველოს რძის სექტორში ცოდნის გადაცემის გზით“ პროექტის ფარგლებში.

აღნიშნული პროექტის მთავარი კომპონენტია  რძის სექტორში დასაქმებული ქართველი ფერმერებისთვის სწავლება და ცოდნის გადაცემა. კონგრესზე განსაკუთრებული  ყურადღება იქნება გამახვილებული რძის ბიზნესის გლობალურ ტენდენციებზე, უახლოეს ტექნოლოგიებზე და საბაზრო ინფორმაციის ინსტრუმენტებზე.

კონგრესზე განხილული იქნება მერძევე ფერმერებისთვის და რძის პროდუქტების მწარმოებლებისთვის მნიშვნელოვანი და აქტუალური საკითხები, გაიმართება დისკუსიები სექტორის წარმომადგენლებს შორის. კონგრესის მონაწილეებს ასევე საშუალება ექნებათ მიიღონ უახლესი ინფორმაცია სარძეო ფერმის მართვის საკითხებზე წამყვანი საერთაშორისო სპეციალისტებისგან, რომლებიც აქვთ მრავალწლიანი გამოცდილება საქართველოში.

საქართველოს გააჩნია მიმზიდველი საინვესტიციო გარემო, რძის წარმოებისთვის იდეალური აგრო-კლიმატური პირობები და მაღალი საბაზრო მოთხოვნა რძის პროდუქტებზე, რაც ამ სექტორს მიმზიდველს ხდის  ინვესტორებისთვის.

ღონისძიების მსვლელობისას, მონაწილეებს საშუალება ექნებათ  გაეცნონ თანამედროვე ტექნოლოგიურ და ბიზნეს მიდგომებს მერძეული მესაქონლეობის სფეროში და პრაქტიკულ მაგალითებს რეგიონის რძის მწარმოებელთა და ფერმერული ორგანიზაციების გამოცდილებაზე დაყრდნობით.

კონგრესზე ძირითადი აქცენტები გაკეთდება შემდეგ საკითხებზე:

• საქართველოს მერძევეობის სექტორის 2017 წლის შეჯამება და მომავალი წლის პროგნოზი;
• რძის მცირე ფერმების განვითარების გზები;
• კოოპერაციის ეკონომიკური უპირატესობები;
• რძის სექტორის საერთაშორისო ტექნოლოგიური პრაქტიკა;

ღონისძიება ორგანიზებულია გაეროს სურსათის და სოფლის მეურნეობის ორგანიზაციის (FAO) და ევროპის რეკონსტრუქციისა და განვითარების ბანკის (EBRD) ხელშეწყობით და ევროკავშირის EU4Business ინიციატივის ფინანსური მხარდაჭერით.

კონგრესი 09:00 საათზე გაიხნება.

0Shares

Related Articles

კარტლისი – აგროტექნოლოგიები
თქვენი რეკლამა
აგრომარკეტი
ელექსირი
Georgian Dairy
აგრარული საქართველო
ბიზნეს გეგმა
აგროკავკასია FB