საქართველოს ფერმერთა საჭიროებებისა და პრობლემების განხილვა

25 Views Comment Off

გაეროს განვითარების პროგრამის (UNDP), საქართველოს განათლებისა და მეცნიერების სამინისტროს, სოფლის მეურნეობის სამინისტროსა და სამხრეთ კავკასიაში შვეიცარიის თანამშრომლობის ოფისის ორგანიზებით საერთაშორისო კონფერენცია გაიმართა, რომლის მიზანი იყო საერთაშორისო გამოცდილების გაზიარება ფერმერთა საკონსულტაციო მომსახურების, ანუ სასოფლო სამეურნეო ექსტენციის სფეროში და საქართველოს ფერმერთა საჭიროებებისა და პრობლემების განხილვა.

მონაწილეებს სიტყვით მიმართეს შომბი შარპმა — გაეროს განვითარების პროგრამის ხელმძღვანელის მოადგილემ, ოლივიე ბურკიმ — სამხრეთ კავკასიაში შვეიცარიის თანამშრომლობის ოფისის დირექტორმა, ნოდარ კერესელიძემ — საქართველოს სოფლის მეურნეობის მინისტრის პირველი მოადგილემ, და ქეთი ნატრიაშვილმა — საქართველოს განათლებისა და მეცნიერების მინისტრის პირველი მოადგილემ.

კონფერენციაში მონაწილეობა მიიღეს საქართველოს მთავრობის, ფერმერთა ასოციაციების, უნივერსიტეტებისა და პროფესიული კოლეჯების, არასამთავრობო და საერთაშორისო ორგანიზაციების წარმომადგენლებმა. ასევე სოფლის მეურნეობის ექსპერტებმა დანიიდან, ირლანდიიდან, კოსოვოდან და შვეიცარიიდან.

კონფერენციის მონაწილეებმა იმსჯელეს სასოფლო-სამეურნეო ექსტენციის საერთაშორისო გამოცდილებაზე, საქართველოში მისი დანერგვის შესაძლებლობაზე და ქართველი ფერმერებისათვის განსაკუთრებით აქტუალური ინფორმაციისა და უნარების შესახებ. ასევე განიხილეს ექსტენციის სხვადასხვა მოდელი და საკვალიფიკაციო მოთხოვნები ექსტენციის კონსულტანტების მიმართ.

საერთაშორისო ექპერტებმა და დონორი ორგანიზაციების წარმომადგენლებმა ისაუბრეს ექსტენციის აუცილებლობაზე სოფლის მეურნეობის წარმატებული განვითარებისათვის, ხოლო საქართველოს მთავრობისა და საგანმანათლებლო ინსტიტუტების წარმომადგენლებმა ძირითადი აქცენტი გააკეთეს საქართველოს სოფლის მეურნეობის განვითარების ტენდეციებსა და სექტორის წინაშე არსებულ გამოწვევებზე.

კონფერენციის დასრულებისას, 8 და 9 დეკემბერს გაიმართება პრაქტიკული სემინარი სასოფლო-სამეურნეო ექსტენციის საკითხებში და გასვლითი სესია.

საქართველოს განათლებისა და მეცნიერების სამინისტრო

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
აგროსფერო
კლაასი
თქვენი საეკლამო ბანერი
Georgian Dairy
AgroPlus
Organic Life ამერიკელებს ჩურჩხელაზე გადასვლას ურჩევს
299 Views

შეწყვიტეთ ენერგეტიკული ბატონების ყიდვა - ჩაანაცვლეთ ის ყურძნის წვენისა და ნიგვზის ნაზავის ნუგბარით, მოუწოდებს ამერიკული პოპულარული გამოცემა

სრულად
სამკურნალო მცენარეები
შვიტა მინდვრის (Equisetum arvense) — სამკურნალო მცენარე
3679 Views

მინდვრის შვიტა (ლათ. Equisetum arvense) მრავალწლიანი ბალახოვანი მცენარეა შვიტისებრთა ოჯახიდან. აქვს მცოცავი, რუხი-მოშავო ფესურა. ღერო ორგვარია:

სრულად
აგროკავკასია FB