ფერმერი თბილისიდან ლაგოდეხში წარმატებით მართავს მეურნეობას

404 Views Comment Off

„იმ დროს, როდესაც რეგიონების მოსახლეობა მასობრივად ტოვებს სასოფლო-სამეურნეო ნაკვეთებს დაუმუშავებლად და წყვეტს ტრადიციული კულტურების მოვლა-მოყვანას, იოსებ ვარდოშვილი თბილისიდან ლაგოდეხში წარმატებით მართავს საკმაოდ დიდ მეურნეობას.

იოსებ ვარდოშვილი სეზონის ბოლოს  გვესტუმრა და საკუთარი გამოცდილება გაგვიზიარა. ახალბედა ფერმერთათვის ალბათ საინტერესო იქნება მისი წარმატებული მაგალითის განხილვა.

კერძო ბიზნესსა და საჯარო სექტორში  მრავალწლიანი სამუშაო გამოცდილების შემდეგ, იოსებ ვარდოშვილმა  სოფლის მეურნეობაშიც გადაწყვიტა ძალების მოსინჯვა.

წლების მანძილზე ფერმერს კავშირი ქონდა სხვადასხვა კულტურის მოვლა-მოყვანასთან (ვაზი, თხილი და ხორბალი) თუმცა, წელს პირველად, 40 ჰა ფართობზე სიმინდის კულტურის მოყვანას დამოუკიდებლად შეეჭიდა.

რთული წლის მიუხედავად, ფერმერი მოსავლით კმაყოფილია. მისმა მაგალითმა კი აჩვენა, რომ სწორი დაგეგმარების შემთხვევაში, შესაძლებელია საკმაოდ დიდი ფართობების წარმატებული მართვა თბილისიდან.

იოსებ ვარდოშვილს მრავალწლიანი მენეჯერული გამოცდილება ფერმერული მეურნეობის ეფექტურ დაგეგმარებაში დაეხმარა და  საკითხს თავიდანვე სწორად მიუდგა.

მცენარის ვეგეტაციის ყველა მნიშვნელოვან ეტაპზე ის თბილისიდან ლაგოდეხში ჩადიოდა.  ესწრებოდა და თავად ხელმძღვანელობდა აგროტექნიკურ ღონისძიებებს.

ლოჯისტიკური საკითხები ეფექტურად გადაწყვიტა, გამოიყენა  მხოლოდ ხარისხიანი სათესლე მასალა და პესტიციდები. ნიადაგი კი ანალიზის მიხედვით გაანოყიერა. კლიმატური პირობების გათვალისწინებით, კარტლისთან ერთად შეირჩა პიონერის 115 დღიანი სიმინდის ჰიბრიდი — P0222.

ფერმერი პირველივე წელს შეეჯახა სირთულეებს.

ლაგოდეხში წლევანდელი წელი გვალვიანი აღმოჩნდა, ურწყავ ნაკვეთებზე კი სიმინდის მოყვანა მრავალ ფერმერს გაუჭირდა. თუმცა, სოსოს შემთხვევაში სწორად შერჩეულმა  სიმინდის ჰიბრიდმა თავისი სტაბილური თვისებები გამოავლინა.

მიუხედავად იმისა, რომ გვალვები გახანგრძლივდა, მისი ნაკვეთი კი არ ირწყვებოდა, მოსავალი მაინც 9,5 ტონას გაუტოლდა ჰექტარზე, 9-10% ასაღები ტენიანობით.

მოსავლის რეალიზაციის შედეგებით ძალიან კმაყოფილია, თუმცა ფერმერი ამ ნიშნულზე გაჩერებას არ აპირებს და სამომავლოდ ნაკვეთში სარწყავი სისტემის დამონტაჟებას გეგმავს, რაც მის მოსავალს დაახლოებით 15-16 ტონა/ჰა-მდე გაზრდის.“

ვკითხულობთ კომპანია კარტლისის FB გვერდზე https://www.facebook.com/cartlis/

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
ქლოროფიტუმი საუკეთესო მცენარეა ოთახში ჰაერის გასაწმენდად
523 Views

ქლოროფიტუმი (ლათ. Chlorophytum, ინგ. Spider plant) საკმაოდ უპრეტენზიო მცენარეა, მისი მოვლა მოყვარულ მებაღესაც არ გაუჭირდება, ამასთან ის საუკეთესოა ოთახში ჰაერის გაწმენდის თვალსაზრისით. მეცნიერები ოთახში ჰაერის გასაწმენდად სხადასხვა ცდებს და კვლევებს ატარებდნენ. მაგ. სპეციალურ კამერაში (მცირე

სრულად
სამკურნალო მცენარეები
ხეშავი (Rhamnus cathartica) — სამკურნალო მცენარე
1376 Views

ხეშავი ძლიერ დატოტვილი ბუჩქიანი პატარა ხეა ხეჭრელისებთა ოჯახიდან, სიმაღლით 8 მ-მდე მისი დაბრეცილი ტანი დაფარულია შავი ფერის ხაოიანი დახეთქილი კანით, რომელიც ფენა-ფენად ძვრება. ტოტები ეკლიანი აქვს. ახალგაზრდა ტოტებზე ქერქი მოწითალო-ყავისფერია, პრიალა. ყუნწიანი ფოთლები

სრულად
აგროკავკასია FB