მეტი ქართული პროდუქცია ევროპულ ბაზარზე!

40 Views

ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი ევროკომისარს ვაჭრობის საკითხებში სესილია მალმსტრომს შეხვდა, რომელიც საქართველოში სამუშაო ვიზიტით იმყოფებოდა.

შეხვედრაზე მხარეებმა საქართველო-ევროკავშირის სავაჭრო-ეკონომიკური ურთიერთობები განიხილეს და აღნიშნეს ის პროგრესი, რომელიც ამ მიმართულებით არსებობს.

ვიცე-პრემიერმა დიმიტრი ქუმსიშვილმა ისაუბრა დადებით სავაჭრო დინამიკაზე, რომელიც საქართველოსა და ევროკავშირს შორის არსებობს. მისი განცხადებით, ევროკავშირი, როგორც ქვეყანათა ჯგუფი, საქართველოს ყველაზე დიდი სავაჭრო პარტნიორია და მასზე მოდის ქვეყნის მთლიანი ექსპორტის 28 პროცენტი.

ევროკომისარ სესილია მალმსტრომის განცხადებით, მხარეები ევროპულ ბაზარზე მეტი ქართული პროდუქციის გატანის მიზნით თანამშრომლობას გააღრმავებენ.

მხარეებმა ისაუბრეს იმ აგროპროდუქციაზე, რომლის ექსპორტიც უახლოეს მომავალში იგეგმება ევროკავშირი ბაზარზე. მათ შორის, დასახელდა თევზი და თაფლი.

ამასთან, როგორც ვიცე-პრემიერმა დიმიტრი ქუმსიშვილმა აღნიშნა, არსებობს არაერთი წარმატებული შემთხვევა, როდესაც ცალკეულმა კომპანიებმა საწარმოები სხვა ქვეყნებიდან საქართველოში გადმოიტანეს, რათა ევროკავშირის ბაზარზე კიდევ უფრო მეტი პროდუქციის ექსპორტი განეხორციელებინათ.

შეხვედრაზე განსაკუთრებული ყურადღება დაეთმო იმ რეფორმებს, რომელთაც საქართველო ევროკავშირთან ღრმა და ყოვლისმომცველი თავისუფალი ვაჭრობის შეთანხმების (DCFTA) შესაბამისად ახორციელებს.

მათ შორის, საუბარი წარიმართა DCFTA-ის ხელშეწყობის ახალ ფინანსურ ინსტრუმენტზე, რომელიც საქართველოს მცირე და საშუალო ბიზნესისთვის გრანტის შემცველი სესხის გაცემას ითვალისწინებს. აღნიშნული პროგრამა ადგილობრივ მცირე და საშუალო ბიზნესს ფინანსებზე ხელმისაწვდომობისა და ლარში დაბალპროცენტიანი სესხის აღების მიმართულებით დაეხმარება.

შეხვედრაზე აღინიშნა, რომ DCFTA-ის ხელშეწყობის პროგრამა საშუალებას მისცემს მცირე და საშუალო მეწარმეს აღნიშნული სესხის და გრანტის მეშვეობით მოახდინოს ადაპტაცია DCFTA-ის მოთხოვნებთან და შესაბამისად განავითაროს როგორც ადგილობრივ ბაზარზე, ისე ექსპორტზე ორიენტირებული წარმოება.

შეღავათიან სესხს ბიზნესი კომერციული ბანკებისგან მიიღებს. ვიცე-პრემიერ დიმიტრი ქუმსიშვილის განცხადებით, აღნიშნული პროგრამის განხორციელების მიმართულებით, საქართველოს ბანკების პარტნიორები იქნებიან ევროპის რეკონსტრუქციისა და განვითარების ბანკი და ევროპის საინვესტიციო ბანკი.

ევროკომისარი ვაჭრობის საკითხებში სესილია მალმსტრომი საქართველოს ხვალ დატოვებს.

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
ორგანიკა
ორგანიკა, ბიო
Georgian Dairy
თქვენი რეკლამა
AgroPlus
ორგანული (ბიო, ეკო) პროდუქტების ერთობლივი შესყიდვები
1179 Views

ორგანული (ბიოლოგიურად სუფთა) პროდუქტების პოპულარობის ზრდის ფონზე, იზრდება ადგილობრივ ფერმერებთან პირდაპირი კავშირების საჭიროება. ხშირად მომხმარებელისთვის ძნელია ინფორმაციის მოპოვება სხვადასხვა პროდუქტზე, გარდა ამისა სიძნელეს ქმნის რაოდენობაც. თუ მომხმარებელს, გარკვეული

სრულად
სამკურნალო მცენარეები
კუნელი — სამკურნალო მცენარე, რამდენიმე რეცეპტი
3225 Views

კუნელის (ლათ. Crataegus; რუს. Боярышник) მრავალი სახეობა არსებობს. ამათგან სამკურნალოდ იყენებენ ძირითადად ორი სახეობის კუნელს – ეკლიანს ანუ ჩვეულებრივ  და წითელ კუნელს. კუნელი განეკუთვნება ვარდისებრთა ოჯახს. იგი მაღალი ბუჩქია, იშვიათად ბუჩქნარი, უბეში მოთავსებული ეკლებით. ფოთლები

სრულად
აგროკავკასია FB