კახეთში ფერმერებმა 97 მლნ. ლარზე მეტი შემოსავალი მიიღეს

103 Views

კახეთის რეგიონში, ყურძნის მიღება-გადამუშავების პროცესში მონაწილეობა მიიღო 178-მა კომპანიამ; გადამუშავდა 100 ათას ტონაზე მეტი ყურძენი და კახეთის მოსახლეობის შემოსავალმა 97 მილიონ ლარზე მეტი შეადგინა, – „რთველი 2016″ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე შეაჯამა.

მთავრობის მეთაურმა კმაყოფილება გამოთქვა, რომ რთველი ძალიან წარმატებულად ჩატარდა, რისთვისაც სოფლის მეურნეობის სამინისტროს მადლობა გადაუხადა.

რაც შეეხება რთველს რაჭა-ლეჩხუმში, ყურძენი მიიღო და გადაამუშავა 24-მა კომპანიამ და მთლიანობაში 500 ტონაზე მეტი ყურძენი გადამუშავდა. რაჭის მოსახლეობის შემოსავალმა რთველის პერიოდში, 2,5 მილიონ ლარზე მეტი შეადგინა.

ორივე რეგიონში, 2016 წელს, ყურძენი ღვინის კომპანიებს 19 000-ზე მეტმა მევენახემ ჩააბარა.

„მნიშვნელოვანია, რომ ჩვენ შევქმენით თვისობრივად განსხვავებული სუბსიდირებისა და აგროსესხების პროგრამა, რომლის დანერგვითაც, სახელმწიფომ მოახდინა მეღვინეობა-მევენახეობის მიმართულების სწორი სტიმულირება მიეღოთ და ძალიან მნიშვნელოვანია, რომ ვენახების ფართობი იზრდება.

ასევე მნიშვნელოვანია, რომ განსაკუთრებული ყურადღება ექცევა ხარისხს და ადგილწარმოშობას, სწორი მიმართულებით განვითარებას, ბრენდირებული ღვინოების მსოფლიოს მასშტაბით ექსპორტს.

ჩვენ, ამ მიმართულებით მუშაობას გავაგრძელებთ. ძალიან მახარებს ის, რომ ევროკავშირთან თავისუფალი ვაჭრობის შესახებ შეთანხმება თანდათან ძალას იკრებს და, ევროპის მიმართულებით, ძალიან მნიშვნელოვანი რაოდენობა მიდის ექსპორტზე”, – განაცხადა პრემიერ-მინისტრმა.

გიორგი კვირიკაშვილის შეფასებით, მნიშვნელოვანია, რომ ქართული ღვინო წარმოდგენილია ტრადიციულ ბაზრებზე და ასევე ისეთ ახალ ბაზრებზე, როგორიცაა მაგალითად  ჩინეთი, სადაც ქართული ღვინის ექსპორტი უპრეცედენტოდ მაღალი სისწრაფით იზრდება.

„ეს არის აბსოლუტურად ჯანსაღი პროცესია, რაც ძალიან მახარებს”, – აღნიშნა მთავრობის მეთაურმა.

0Shares

Related Articles

კარტლისი – აგროტექნოლოგიები
თქვენი რეკლამა
უფასოდ
ელექსირი
Georgian Dairy
აგრარული საქართველო
ბიზნეს გეგმა
აგროკავკასია FB