FAO-მ ექსტენციის ცენტრების 50 თანამშრომელს სწავლება ჩაუტარა

165 Views Comment Off

FAO-მ ENPARD-ის ფარგლებში მოსავლის აღების შემდგომ ტექნოლოგიებში ტრენერთა ტრენინგები ჩაატარა.

გაეროს სურსათისა და სოფლის მეურნეობის ორგანიზაციამ (FAO) სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში ტრენერთა ტრენინგები ჩაუტარა სოფლის მეურნეობის სამინისტროს საინფორმაციო-საკონსულტაციო ცენტრების 50 თანამშრომელს.

ტრენინგის მონაწილეებმა თბილისში, 5-დღიან ღონისძიებაზე დასასწრებად საქართველოს ყველა რეგიონის 30 მუნიციპალიტეტიდან მოიყარეს თავი. ტრენერთა ტრენინგის ფარგლებში ისინი მოსავლის აღების შემდგომი ტექნოლოგიების თანამედროვე  ცოდნას და გამოცდილებას გაეცნენ.

ტრენინგი მოიცავდა მალფუჭებადი სასოფლო-სამეურნეო პროდუქტის დაბინავების მთელ ციკლს კრეფიდან რეალიზაციამდე.

ყურადღება გამახვილდა ისეთ თემებზე, როგორებიცაა: სიმწიფისა და კრეფის ინდექსები, მოსავლის აღების პრინციპები, შეფუთვა/დაფასოება, ტრანსპორტირება, მწერებისა და მავნებლებისგან მოსავლის დაცვა ანუ ყველა ის პრინციპი, რომელიც ფერმერს საკუთარი მოსავლის სწორად მართვაში დაეხმარება, საბოლოოდ კი ხარისხიან პროდუქტს და მეტ ეკონომიკურ სარგებელს მიიღებს.

ტრენინგები FAO-ს ექსპერტმა ელჰადი იაჰიამ ჩაატარა. მოსავლის მოვლა-შენახვის ზოგადი წესების გარდა მან კონკრეტული მითითებები მისცა ტრენინგის მონაწილეებს ვაშლის, ყურძნის, კარტოფილის, მწვანილის და საქართველოში ყველაზე მეტად გავრცელებული სხვა სასოფლო-სამეურნეო პროდუქტების მოვლა-შენახვის შესახებ.

თეორიული ნაწილის შემდეგ, ტრენინგის მონაწილეებმა სურსათის საწყობებსა და დაფასოების სათავსოებში გადაინაცვლეს, სადაც ცივი შენახვის სათავსოები მოინახულეს და ტრენინგის დროს წარმოდგენილი კონცეფციების პრაქტიკული დემონსტრირება მოახდინეს.

ტრენინგის მონაწილეებს FAO-ს სერტიფიკატები გადაეცათ, მათ კი, თავის მხრივ, ვალდებულება აიღეს, რომ მოსავლის აღების შემგდომი ტექნოლოგიების შესახებ მიღებულ ცოდნას საკუთარ რეგიონებში სხვა ფერმერებსაც გაუზიარებენ.

ეს ყველაფერი ძალიან კარგია, მაგრამ თუ დარგობრივი საინფორმაციო საშუალებები ისევ ყურადღების გარეშე დარჩება, ფერმერთათვის ინფორმაციის მიწოდების თვალსაზისით მდგომარეობის გამოსწორება ძნელად წარმოსადგენია. /აგროკავკასია/

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
გამოიყენეთ ბუნებრივი ანტიბიოტიკები — იყავით ჯამრთელი!
1085 Views

ხშირად გაციების ან სხვა საჭიროების გამო, აუცილებელი ხდება ანტიბიოტიკების გამოყენება. ეს კი იწვევს იმუნიტეტის დაქვეითებას და სასარგებლო ბაქტერიების განადგურებას. შესაძლებლობის ფარგლებში, კარგი იქნება თუ ქიმიურ საშუალებებს ბუნებრივით ჩაანაცვლებთ. წარმოგიდგენთ რამდენიმე

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1280 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB