ევროკავშირი მხარს უჭერს საქართველოს კონკურენციის სააგენტოს

67 Views Comment Off

საქართველოში ევროკავშირის ელჩის მოადგილემ, ბატონმა კარლო ნატალემ და საქართველოს კონკურენციის სააგენტოს თავმჯდომარემ, ბატონმა ნოდარ ხადურმა ევროკავშირის პროექტი “საქართველოს კონკურენციის სააგენტოს მხარდაჭერა” ოფიციალურად გახსნეს.

პროექტის მთავარი ამოცანაა დაეხმაროს საქართველოს კონკურენციის სააგენტოს შესაძლებლობების განვითარებაში, გააუმჯობესოს თანამშრომლობა სააგენტოსა და დარგობრივ მარეგულირებლებს შორის და უზრუნველყოს ქართული საზოგადოების ცნობიერების ამაღლება კონკურენციის პოლიტიკის მნიშვნელობაზე ევროკავშირის საუკეთესო პრაქტიკისა და DCFTA-ის შესაბამისად.

პროექტის ბიუჯეტი შეადგენს 1.998.400,00 ევროს და მისი ხანგრძლივობა განისაზღვრება ორი წლის ვადით. პროექტი ხელს შეუწყობს ქართულ ბაზარზე კონკურენციის ზრდას და ეკონომიკის გაძლიერებას.

ღონისძიებაზე სიტყვით გამოვიდნენ საქართველოს ეკონომიკისა და მდგრადი განვითარების მინისტრი, გიორგი გახარია, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი, ვიქტორ დოლიძე და ლიტვის რესპუბლიკის კონკურენციის საბჭოს თავმჯდომარე ბატონი შარუნას კესერაუსკასი.

პროექტის ექსპერტებმა დამსწრე საზოგადოებას მიაწოდეს ინფორმაცია პროექტის მიზნებისა და დაგეგმილი აქტივობების შესახებ. მომხსენებლებმა აღნიშნეს, რომ  ჯანსაღი კონკურენციის გაძლიერება  გადამწყვეტია ეკონომიკური წინსვლისათვის და ხაზი გაუსვეს ევროკავშირის მხარდაჭერის მნიშვნელობას.

ღონისძიება სასტუმრო „რედისონ ბლუ ივერიაში“ ჩატარდა.

Share Button

Related Articles

კარტლისი — აგროტექნოლოგიები
კარტლისი — აგროტექნოლოგიები
თქვენი რეკლამა
თქვენი რეკლამა
ტრაქტორი — ფერმერთა აპლიკაცია
ტრაქტორი — ფერმერთა აპლიკაცია
აგროსფერო
აგროსფერო
კლაასი
კლაასი
თქვენი სარეკლამო ბანერი
თქვენი სარეკლამო ბანერი
Georgian Dairy
Georgian Dairy
აგრორჩევები
აგროკავკასია FB