დუგლაძეების ღვინის კომპანიამ ტოჩინოშინს უმასპინძლა

153 Views

გარემოს დაცვისა და სოფლის მეურნეობის მინისტრმა ლევან დავითაშვილმა ტიტულოვან ქართველ სუმოისტს, ლევან გორგაძეს „დუგლაძეების ღვინის კომპანიის“ დირექტორ ზაზა დუგლაძესთან ერთად უმასპინძლა.

ლევან დავითშვილმა ტოჩინოშინთან ერთად იაპონელ ჟურნალისტებს ქართული ღვინის პოპულარიზაციის მნიშვნელობაზე ესაუბრა.

ტრადიციული ქვევრის ღვინის დაგემოვნების პარალელურად, ტოჩინოშინმა და ლევან დავითაშვილმა იაპონიასა და საქართველოს შორის ეკონომიკურ და კულტურულ ურთიერთობებში, ქართული ღვინის მნიშვნელობაზე გაამახვილეს ყურადღება.

პირველ ქართველ ოძეკს ლევან დავითაშვილმა არაერთი წარმატებული ორთაბრძოლა მიულოცა და მომავალში კიდევ ბევრი ბრწყინვალე გამარჯვება უსურვა.

„2017 წლიდან ჩვენ იაპონია გამოვაცხადეთ ერთ-ერთ ძალიან საინტერესო სამიზნე ბაზრად, როგორც ქართული ღვინისთვის, ასევე ქართული სასოფლო-სამეურნეო პროდუქტებისთვის. თუმცა, ყველაფერ ამას სჭირდება ცნობადობა და ამისთვის მნიშვნელოვანია, იაპონელებს ჩვენი კულტურა გავაცნოთ, რაზეც მიმდინარეობს რეგულარული მუშაობა. ვფიქრობ, ქართველი სუმოს მოჭიდავეების მიერ შეტანილი წვლილი საქართველოს ცნობადობის შესაქმნელად შეუფასებელია, ამისთვის დიდი მადლობა მინდა გადავუხადო ლევან გორგაძეს ტოჩინოშინს და ლევან ცაგურიას, რომელმაც თავის დროზე საქართველოს ცნობადობის ამაღლებისთვის განსაკუთრებული როლი ითამაშა და საქართველოს სახელი გაუთქვა. ეს ნამდვილად დაეხმარება ჩვენი ქვეყნისა და ჩვენი პროდუქციის პოპულარიზაციას“ , — განაცხადა ლევან დავითაშვილმა.

საქართველო-იაპონიის თანამშრომლობის მნიშვნელობასა და სამომავლო ურთიერთობებზე ისაუბრა იაპონიის ელჩმა საქართველოში, რომელიც ცნობილ ქართველ სუმოისტთან შეხვედრაზე იმყოფებოდა. ტადაჰარუ უეჰარამ ხაზი გაუსვა ასევე, საქართველოს პოპულარობის ზრდას იაპონიაში, რაშიც მისი თქმით, დიდი წვლილი ტოჩინოშინმაც შეიტანა.

„ეს კვირა არის მნიშვნელოვანი იაპონელი ხალხისთვის. ჩვენ ვმასპინძლობთ ტოჩინოშინს საქართველოში. მსურს მას მადლობა გადავუხადო. მისი დამსახურებით, საქართველო უფრო და უფრო პოპულარული ხდება იაპონიაში. აღსანიშნავია, ქართული ღვინო, რომელიც საუკეთესოა. საქართველოს გარემოს დაცვისა და სოფლის მეურნეობის მინისტრი ფანტასტიური პიროვნებაა. ვარ ძალიან ბედნიერი, მივიღე უამრავი ელექტრონული შეტყობინება იაპონელი მეგობრებისგან, სადაც ნათლად ჩანდა, თუ რაოდენ მნიშვნელოვანია ტოჩინოშინი და საქართველო იაპონიისთვის“ ,- აღნიშნა ტადაჰარუ უეჰარამ.

სტუმრებმა ქართული ტრადიციული ქვევრის ღვინო დააგემოვნეს და ქართული სუფრის ტრადიციებით აღნიშნეს ქართველი სუმოისტის სტუმრობა საქართველოში. ტოჩინოშინმა ჩურჩხელებიც ამოავლო და თავად დააცხო შოთის პურები.

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
ორგანიკა
ორგანიკა, ბიო
Georgian Dairy
თქვენი რეკლამა
AgroPlus
ფერმერები სარწყავი წყლის მისაღებად ნისლს აგროვებენ
1257 Views

პერუს მაღალმთიანეთში მცხოვრები ფერმერები, სარწყავი წყლის მისღებად ნისლს აგროვებენ. სოფლის მეურნეობის პროდუქტების საწარმოებლად, აქაური ფერმერები ძირითადად კვირაში სამჯერ მოტანილი წყლის იმედად იყვნენ, ეხლა კი თვითონ

სრულად
სამკურნალო მცენარეები
მრავალძარღვა — უძველესი სამკურნალო მცენარე, რეცეპტები
3473 Views

მრავალძარღვა (ლათ. Plantago major) მრავალწლიანი ბალახოვანი მცენარეა მრავალძარღვასებრთა ოჯახიდან. ფესურა მოკლეა, სქელი, ვერტიკალური, ყოველი მხრიდან წვრილი ფუნჯა ფესვებით ფოთლები ქმნიან როზეტს, რომლის ცენტრიდან ამოდის უფოთლო

სრულად
აგროკავკასია FB