CARE-მ და ISET-მა ჩაისა და კალმახის სექტორების ღირებულებათა ჯაჭვის კვლევა წარმოადგინეს

92 Views Comment Off

2017 წლის 19 მაისს, თბილისში, ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში, განმახორციელებელმა ორგანიზაციამ „CARE“ და მისმა პარტნიორმა ISET-ის კვლევითმა ინსტიტუტმა, ქართული ჩაისა და კალმახის სექტორების ღირებულებათა ჯაჭვის კვლევა წარმოადგინეს.

ქართული ჩაის სექტორის ღირებულებათა ჯაჭვის ანალიზის შესახებ კვლევა აფასებს ქართული ჩაის სექტორში არსებულ გამოწვევებსა და შესაძლებლობებს და გვთავაზობს რეკომენდაციებს სექტორის განვითარებისთვის.

საქართველო არის ერთ-ერთი ყველაზე ჩრდილოეთით მდებარე ჩაის მწარმოებელი ქვეყანა მსოფლიოში. შავი ზღვის ტენიანი და სუბტროპიკული კლიმატი დასავლეთ საქართველოში ქმნის იდეალურ პირობებს ჩაის წარმოებისთვის.

თუმცა საქართველოს ჩაის სექტორში არსებული მდგომარეობა საკმაოდ არასახარბიელოა. პლანტაციები გაველურებულია, გადამუშავებაში ჩართულ საწარმოებს კი არ აქვთ საკმარისი კაპიტალბრუნვა. გლობალური კონკურენციის ბუნებიდან გამომდინარე, ქართველი მწარმოებლებისა და გადამამუშავებლებისთვის საერთაშორისო ბაზრებზე ფეხის მოკიდება რთულია.

ამჟამად საქართველო არის ჩაის წმინდა იმპორტიორი, რაც სექტორის ისტორიისა და პოტენციალის გათვალისწინებით ფრიად უცნაურია.

ქართული კალმახის სექტორის ღირებულებათა ჯაჭვის ანალიზის შესახებ კვლევაში განხილულია სექტორში არსებული მდგომარეობა და განვითარების შესაძლებლობები. საქართველო მტკნარი წყლებით მდიდარი კავკასიური ქვეყანაა, რაც მას კარგ პოზიციაში აყენებს მაღალი ხარისხის კალმახის საწარმოებლად.

საქართველოსთვის ეს ერთ-ერთი ახალი და პერპექტიული სასოფლო-სამეურნეო ღირებულებათა ჯაჭვია. თუმცა, ქართული კალმახის სექტორს ჯერ კიდევ აქვს პრობლემები და რიგი შეზღუდვები, რაც აფერხებს მის განვითარებას.

ღონისძიებას ესწრებოდნენ სოფლის მეურნეობის სამინისტროს, საქართველოში ევროკავშირის დელეგაციისა და ფერმერთა ასოციაციის წარმომადგენლები, ასევე ჩაისა და კალმახის მწარმოებელი კომპანიები, სასოფლო-სამეურნეო კოოპერატივები, ENPARD-ის პროგრამის განმახორციელებელი კონსორციუმის წევრები, ასოციაციები და კვლევითი ცენტრები.

“ასეთი კვლევები ეხმარება დაინტერესებულ მხარეებს სექტორში არსებული მდგომარეობა უკეთ გაიცნონ და ბიზნესსა თუ პოლიტიკაში ინფორმირებული გადაწყვეტილებები მიიღონ. მოხარული ვართ, რომ ევროკავშირი მხარს უჭერს საქართველოს სოფლის მეურნეობის და ზოგადად ეკონომიკის განვითარებას, რათა თქვენი ქვეყანა ადგილობრივ და საერთაშორისო ბაზრებზე უფრო კონკურენტუნარიანი გახდეს.” – აღნიშნა საქართველოში ევროკავშირის ატაშემ, პროგრამის მენეჯერმა ქრისტინა კასელამ.

ღონისძიება ევროკავშირის სოფლისა და სოფლის მეურნეობის განვითარების ევროპის სამეზობლო პროგრამის (ENPARD) მხარდაჭერით გაიმართა.

ღონისძიება დააფინანსეს ევროკავშირმა და ავსტრიის განვითარების სააგენტომ. ღონისძიების შინაარსი არის ორგანიზატორების პასუხისმგებლობა და არ წარმოადგენს ევროკავშირისა და ავსტრიის განვითარების სააგენტოს პოზიციას.

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
როგორ ავარჩიოთ ქათმის ხორცი — ჯანმრთელი კვება
2584 Views

ქათმის ხორცი ჯანმრთელი კვების უმნიშვნელოვანესი შემადგენელი ნაწილია. იგი წარმოადგენს მაღალი ხარისხის, ადვილად შეთვისებადი ცილების, ვიტამინების, ამინომჟავების და მინერალური ნივთიერებების შეუცვლელ წყაროს, ნებისმიერი ასაკის ორგანიზმის ზრდისა და ფუნქციონირებისათვის. საქონლის

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1353 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB