ბიოსერტიფირების პერსპექტივები მცირე მეურნეებისა და კოოპერატივებისათვის

199 Views Comment Off

2017 წლის ბოლოს, თბილისში, საერთაშორისო საქველმოქმედო ორგანიზაცია „ოქსფამისა“ და ბიოლოგიურ მეურნეობათა ასოციაცია „ელკანას“ მიერ ორგანიზებული სემინარი გაიმართა, თემაზე „ბიოსერტიფირების პერსპექტივები მცირე მეურნეებისა და სასოფლო-სამეურნეო კოოპერატივებისათვის“.

შეხვედრაზე მოწვეულნი იყვნენ ადგილობრივი ფერმერები, დარგის სპეციალისტები, სამთავრობო სტრუქტურის წარმომადგენლები, ფერმერთა ჯგუფი მოლდოვიდან და მოლდავური ორგანიზაცია „AGROinform-ის” წარმომადგენელები.

შეხვედრა გახსნეს ბიოლოგიურ მეურნეობათა ასოციაცია „ელკანას“ დირექტორმა ქალბატონმა მარიამ ჯორჯაძემ, საერთაშორისო საქველმოქმედო ორგანიზაცია „ოქსფამის“ სოფლის მეურნეობისა და სასურსათო უსაფრთხოების პროგრამის მენეჯერმა ბატონმა ლევან დადიანმა და სოფლის მეურნეობის მინისტრის მოადგილემ ბატონმა გიორგი ხანიშვილმა, რომელთაც ხაზი გაუსვეს ბიოწარმოების განვითრების მნიშვნელობას საქართველოსათვის.

ასოციაცია „ელკანას“ წარმომადგენელმა ელენე შატბერაშვილმა სემინარის მონაწილეებს გააცნო საქართველოში ბიოწარმოების განვითარების მდგომარეობა, პრობლემები და პერსპექტივები.

მან ყურადღება გაამახვილა ისეთ პრობლემებზე, როგორიცაა ფერმერების დაბალი ხელმისაწვდომობა ბიოპრეპარატებსა და სათესლე მასალაზე, ინდივიდუალური სერტიფიცირების მაღალ ხარჯები, დონორი ორგანიზაციების მხრიდან დაბალი ინტერესი და სახელმწიფო მხარდაჭერის პროგრამების არარსებობა, ასევე ბიოპროდუქტების ადგილობრივი ბაზრის განუვითარებლობა.

მოლდავური ორგანიზაცია „AGROinform” წარმომადგენელმა ბატონმა ვიქტორ ჩიმპოშმა შეხვედრის მონაწილეებს გააცნო მოლდოვაში ბიოწარმოების განვითარების მიმართულებით არსებული მდგომარეობა, სახელმწიფო შესყიდვების სისტემა და სახელმწიფო პროგრამა, რომელიც მიზნად ისახავს ბიოწარმოების ეფექტურ მხარდაჭერას 2018-2025 წლებში.

საქართველოს სოფლის მეურნეობის სამინისტროს პროექტების მართვის სააგენტოს ტექნიკური დახმარების სამსახურის უფროსმა ქალბატონმა ნატალია ხარატიშვილმა შეხვედრის მონაწილეებს გააცნო 2018 წლიდან დაგეგმილი ბიოსერტიფიცირების სუბსიდირების პროგრამა, რომელიც მოიცავს ბენეფიციარების ტექნიკურ და ფინანსურ დახმარებასა და ადვოკატირების კომპონენტს.

შეხვედრის დასასრულს, ბიომწარმოებელთა მონაწილეობით გამართულ პანელურ დისკუსიაში შეხვედრის ყველა მონაწილეს მიეცა შესაძლებლობა გამოეთქვა თავისი მოსაზრება სფეროში არსებულ მდგომარეობასა და პრობლემებთან დაკავშირებით.

გამოიკვეთა პრობლემური საკითხები, რომლებსაც ყურადღება უნდა მიექცეს სახელმწიფოს მხრიდან, მათ შორის: ბიოწარმოების სახელმწიფო მხარდაჭერა, ბიონიშნის შექმნა, პოპულარიზაცია და ბიოპროდუქტების ბრენდირების ხელშეწყობა; მარკეტინგული კოოპერატივების შექმნის გზით ბიოპროდუქტების გასაღების ხელშეწყობა.

შეხვედრა ჩატარდა ევროპის სოფლის მეურნეობის და სოფლის განვითარების პროგრამის  (ENPARD) ფარგლებში დაფინანსებული პროექტის  „სასოფლო სამეურნეო კოოპერატივების განვითარების მხარდაჭერა საქართველოში“ ფარგლებში.

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
გამოიყენეთ ბუნებრივი ანტიბიოტიკები — იყავით ჯამრთელი!
1081 Views

ხშირად გაციების ან სხვა საჭიროების გამო, აუცილებელი ხდება ანტიბიოტიკების გამოყენება. ეს კი იწვევს იმუნიტეტის დაქვეითებას და სასარგებლო ბაქტერიების განადგურებას. შესაძლებლობის ფარგლებში, კარგი იქნება თუ ქიმიურ საშუალებებს ბუნებრივით ჩაანაცვლებთ. წარმოგიდგენთ რამდენიმე

სრულად
სამკურნალო მცენარეები
ზეთისხილი — სამკურნალო მცენარე, რამდენიმე რეცეპტი
1278 Views

ზეთისხილი-ზეთისხილისებრთა ოჯახის წარმომადგენელი, მარადმწვანე 3-7 (12) მ სიმაღლის ხე ან მაღალი ბუჩქია განიერი გადაშლილი ვარჯითა და დაბრეცილი ღერო-ტოტებით. ყლორტებზე ერთიმეორის მოპირისპირედ განლაგებული მოკლეყუნწიანი ტყავისებრი, ლანცეტა ან ოდნავ წაგრძელებული ფოთლები ზემოდან

სრულად
აგროკავკასია FB