აშშ-ს სენატორი მარნეულის ლაბორატორიის საქმიანობას გაეცნო

28 Views

სოფლის მეურნეობის მინისტრის მოადგილემ, იური ნოზაძემ და აშშ-ს სენატორმა, ჯო დონელმა სოფლის მეურნეობის სამინისტროს მარნეულის რეგიონულ ლაბორატორია დაათვალიერეს და აშშ-ის თავდაცვის საფრთხის შემცირების სააგენტოს (DTRA) მიერ განხორციელებულ სამუშაოების შედეგებს ადგილზე გაეცნენ.

მარნეულის ლაბორატორიის შენობა DTRA-ს მიერ ერთობლივი ბიოლოგიური თანამშრომლობის პროგრამის ფარგლებში განახლდა და საერთაშორისო დონის აპარატურითა და სადიაგნოსტიკო საშუალებებით აღიჭურვა.

მარნეულის ლაბორატორიას ISO 17025 სტანდარტზე გავლილი აქვს საერთაშორისო აკრედიტაცია, რის საფუძველზეც შესაძლებელია ბიზნესოპერატორებისა და ადგილობრივი ფერმერებისათვის საერთაშორისო სერვისის ადგილობრივ დონეზე შეთავაზება. თავდაცვის საფრთხის შემცირების სააგენტომ ლაბორატორიების აღდგენა-აღჭურვის სამუშაოები, მარნეულის გარდა, საქართველოს კიდევ 10 რეგიონში განახორციელა.

ერთობლივი ბიოლოგიური თანამშრომლობის პროგრამის ფარგლებში, საქართველოში განსაკუთრებით საშიში ინფექციების გამომწვევთა აღმოჩენის, ზედამხედველობისა და რეაგირების ერთიანი ლაბორატორიული სისტემა შეიქმნა. სისტემაში შედის როგორც სოფლის მეურნეობის სამინისტროს და სურსათის ეროვნულ სააგენტოს ლაბორატორიები, ასევე, საზოგადოებრივი ჯანდაცვის ცენტრალური რეფერალური ლაბორატორია. აშშ-ს სენატორმა, ჯო დონელმა სისტემაში შემავალი სამი უწყების კოორდინირებულ საქმიანობასა და თანამშრომლობის მნიშვნელობაზე ისაუბრა.

„მინდა ხაზი გავუსვა ამერიკასა და საქართველოს შორის მჭიდრო პარტნიორობას, რომლის შედეგადაც მოხდა ერთიანი ლაბორატორიული სისტემის ჩამოყალიბება. პარტნიორობის ფარგლებში მოხდა პერსონალის კვალიფიკაციის ამაღლება განსაკუთრებით საშიში დაავადებების კვლევის მეთოდებზე. ბიოუსაფრთხოების პროგრამის ფარგლებში ჩატარდა სისტემატური სწავლებები. ასევე, აღსანიშნავია, რომ დაავადებების აღმოჩენასთან ერთად, მნიშვნელოვანი სამუშაოები ტარდება მისი გავრცელების პრევენციის მიზნით“, — აღნიშნა აშშ-ის სენატორმა.

სოფლის მეურნეობის მინისტრის მოადგილემ, იური ნოზაძემ რეგიონში საერთაშორისო დონის ლაბორატორიის მნიშვნელობაზე ისაუბრა.

„საქართველოში სოფლის მეურნეობის პროდუქციის წარმოების თვალსაზრისით, ქვემო ქართლი ერთ-ერთი ყველაზე აქტიური რეგიონია. წარმოებაში ერთ-ერთი წამყვანი დარგი მეცხოველეობაა, შესაბამისად, მნიშვნელოვანია ცხოველების ჯანმრთელობის მუდმივი კონტროლი. ასევე, აღსანიშნავია, რომ პარტნიორი ქვეყნის მიერ გაწეული სამუშაობის შედეგად, ლაბორატორიას შესაძლებლობა აქვს საზღვარზე, საკარანტინო პუნქტებში დაავადებების არსებობის რისკის შემთხვევაში, ლაბორატორიული კვლევების პროცესში ჩაერთოს“, — განაცხადა სოფლის მეურნეობის მინისტრის მოადგილემ, იური ნოზაძემ.

მარნეულის რეგიონულ ლაბორატორიაში გამართულ შეხვედრას საერთაშორისო დონორი ორგანიზაციების წარმომადგენლები ესწრებოდნენ.

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
ორგანიკა
ორგანიკა, ბიო
Georgian Dairy
თქვენი რეკლამა
AgroPlus
ფერმერები სარწყავი წყლის მისაღებად ნისლს აგროვებენ
1270 Views

პერუს მაღალმთიანეთში მცხოვრები ფერმერები, სარწყავი წყლის მისღებად ნისლს აგროვებენ. სოფლის მეურნეობის პროდუქტების საწარმოებლად, აქაური ფერმერები ძირითადად კვირაში სამჯერ მოტანილი წყლის იმედად იყვნენ, ეხლა კი თვითონ

სრულად
სამკურნალო მცენარეები
მრავალძარღვა — უძველესი სამკურნალო მცენარე, რეცეპტები
3531 Views

მრავალძარღვა (ლათ. Plantago major) მრავალწლიანი ბალახოვანი მცენარეა მრავალძარღვასებრთა ოჯახიდან. ფესურა მოკლეა, სქელი, ვერტიკალური, ყოველი მხრიდან წვრილი ფუნჯა ფესვებით ფოთლები ქმნიან როზეტს, რომლის ცენტრიდან ამოდის უფოთლო

სრულად
აგროკავკასია FB