აპრილში FAO-ს სასურსათო ფასების ინდექსი კვლავ შემცირდა

28 Views Comment Off

აპრილში სურსათზე გლობალური ფასები შემცირდა, რაც ძირითადად შაქარსა და მცენარეულ ზეთზე ფასების ვარდნით არის გამოწვეული.

FAO-ს სასურსათე ფასების ინდექსმა აპრილში  168 პუნქტი შეადგინა, მარტის იმავე მაჩვენებელზე 1.8%-ით ნაკლები. თუმცა, ინდექსი კვლავ 10%-ით აღემატება გასული წლის აპრილის მაჩვენებელს. FAO-ის სასურსათო ფასების ინდექსი არის შეწონილი სავაჭრო ინდექსი, რომელიც ასახავს ხუთი ძირითადი სასურსათე ჯგუფის საერთაშორისო საბაზრო ფასებს.

შემცირების მთავარი მიზეზია შაქრის ფასის ინდექსის ვარდა — ბრაზილიიდან ჭარბი მიწოდების და იმპორტზე სუსტი გლობალური მოთხოვნის შედეგად, აპრილში ინდექსი 9.1%-ით შემცირდა.

FAO-ს მცენარეული ზეთის ინდექსი  3.9%-ით შემცირდა, რაც გამოიწვია პალმის ზეთზე მოთხოვნის შემცირებამ და სამხრეთ და ჩრდილოეთ ამერიკაში სოიოს კარგი მოსავლისა და ნათესების ზრდის მოლოდინმა.

აპრილში 1.2%-ით შემცირდა FAO-ს მარცველულის ფასების ინდექსი, რაც გამოიწვია ხორბალზე ფასების შემცირებამ, ბრინჯის საერთაშორისო ფასების ზრდის ფონზეც კი.

რძის პროდუქტების ფასების ინდექსი  3.3%-ით დაეცა, რადგან ჩრდილოეთ ნახევარსფერო პიკურ სეზონში შევიდა და  მიწოდების მოკლევადიანი პრობლემა გადაიჭრა.

FAO-ს ხორცის ფასების ინდექსი კი  1.7%-ით გაიზარდა. ეს გამოწვეულია ევროკავშირში ღორის ხორცზე მოთხოვნის და ჩინეთში გაყიდვების გაზრდის შედეგად ღორის ხორცზე ფასების ზრდით.

FAO-მ ასევე განაახლა მარცვლეულის გლობალური წარმოების პროგნოზი 2017 წლისთვის. განახლებული პროგნოზის მიხედვით, 2016 წელთან შედარებით გლობალური წარმოება 0.6%-ით შემცირდება წლიურად, მიუხედავად იმისა, რომ უტილიზაციის დონე დაახლოებით 1%-ით იზრდება.

Share Button

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
აგროსფერო
კლაასი
თქვენი საეკლამო ბანერი
Georgian Dairy
AgroPlus
Organic Life ამერიკელებს ჩურჩხელაზე გადასვლას ურჩევს
325 Views

შეწყვიტეთ ენერგეტიკული ბატონების ყიდვა - ჩაანაცვლეთ ის ყურძნის წვენისა და ნიგვზის ნაზავის ნუგბარით, მოუწოდებს ამერიკული პოპულარული გამოცემა

სრულად
სამკურნალო მცენარეები
ალოე — სამკურნალო თვისებები და რამდენიმე რეცეპტი
5330 Views

ალოე (ლათ. Aloe arborescens) საქართველოში ველური სახით არ გვხვდება, მაგრამ იგი თითქმის ყოველ ოჯახს აქვს და ყველასათვის კარგადაა ცნობილი, როგორც ოთახის

სრულად
აგროკავკასია FB