23-24 დეკემბერს — ღვინის საახალწლო ბაზრობა 2018 გაიმართება

112 Views Comment Off

23 -24 დეკემბერს, საქართველოს ღვინის კლუბი და ვერის ბაზარი (ღვინის ქარხანა #1) დიდ დღესასწაულზე, ღვინის საახალწლო ბაზრობა 2018-ზე გეპატიჟებით!

ღვინის საახალწლო ბაზრობა 2018 ორივე დღეს დილის 10:00–დან საღამოს 20:00 საათამდე ღვინის #1 ქარხნის ძველ სარდაფებში ორ სართულზე  გაიმართება (შესასვლელები: პეტრიაშვილის ქუჩის და მელიქიშვილის ქუჩის  მხრიდან).

ბაზრობაზე მოსულ სტუმრებს ქართული ღვინის კომპანიები და საოჯახო მარნები თავიანთ საუკეთესო ღვინოებს შემოგთავაზებენ საახალწლო და საშობაო სუფრისთვის.

აქ შეძლებთ ერთ სივრცეში აარჩიოთ და თავად მწარმოებლებისგან შეიძინოთ თეთრი მშრალი, ქარვისფერი ქვევრის ღვინოები, წითელი მშრალი, ქვევრის, ნახევრადტკბილი და ტკბილი, ცქრიალა ღვინოები, ასევე შემაგრებული ღვინოები, მაგარი სასმელი.

ღვინის საახალწლო ბაზრობაზე 70-მდე ღვინის კომპანია და მცირე მეწარმე მიიღებს მონაწილეობას. იქნებიან როგორც წამყვანი ქართული ღვინის დიდი კომპანიები, ისე საშუალო და მცირე მეღვინეობები და საოჯახო მარნები საქართველოს სხვადასხვა კუთხიდან.

ღვინის საახალწლო ბაზრობაზე მოსულ სტუმრებს თავიანთ საუკეთესო მოსავალს დაგახვედრებენ შემდეგი ღვინის კომპანიები  და საოჯახო მარნები:

მეღვინეობა ხარება, თბილღვინო, თელიანი ველი, მილდიანი, ასკანელი, შატო ნეკრესი, ღვინის კომპანია შუმი, შილდა, ბადაგონი, ვახტანგ ბერუაშვილის მარანი «ვახტანგური», სესიაშვილის მარანი, ნათენაძის მარანი, სიმონ ჩხეიძის მარანი, ჯაყელების ღვინო, ბუნებური, ალექსი ციხელიშვილის მარანი, შატო ხაშმი, Togonidze’s wine, ალექსანდრე დისტილერი, უსახელაური, დავით მიხელიძის მარანი, ღვინო კალამი, ღვარძელაშვილის მარანი, ძმების მარანი, ზედაშე, Union Wine Invest, კონდოლის მარანი, ტიბაანი, საქველმოქმედო კავშირი თემი, ნოდარ ბაღაშვილის მარანი, მარანი სანავარდო, Liquid Sun, Matrobela Wines, ახალგაზრდა მეღვინე, დავით ჩიხლაძის მარანი «გრავისი».

ბაზრობაზე ღვინოსთან ერთად სხვა მაგარი სასმელის შეძენასაც შეძლებთ.

საახალწლო ბაზრობაზე წარმოდგენილი იქნება კომპანია Glassgo Geogia-ს ღვინის მინის ჭურჭელი, ტაბლა ნოვას ინოვაციური და პრაქტიკული პროდუქცია სამოყვარულო, პროფესიული და HoReCa მიმართულებით. ტაბლა ნოვას სტენდთან შეძლებთ ასევე შეიძინოთ ღვინის კლუბის ტრადიციული სადეგუსტაციო ჭიქები საკიდით, რომელიც სპეციალურად ბაზრობისთვის დამზადდა.

ღვინის საახალწლო ბაზრობაზე ღვინოსთან მისაყოლებლად  ღვინის #1 ქარხნის მეორე სართულის ტერასაზე მაყალი დაიდგმება, სადაც მწვადი და თევზი თქვენს თვალწინ შეიწვება. აქვე დაგხვდებათ ქართული ქვევრის ლუდი, ჩამოისხმება ღვინის საახალწლო ბაზრობის სახელობითი ღვინოებიც, კარდანახული რქაწითელი და საფერავი (კომპანია Art gvino). გარდა ამისა დაგეგმილია სხვადასხვა ღონისძიება, დაინთება სადღესასწაულო კოცონები, რა თქმა უნდა, იქნება მუსიკაც.

ღვინის საახალწლო ბაზრობაზე ქართული პროდუქტიც იქნება წარმოდგენილი: ყველი (Cheese Corner), ჩურჩხელა, ფელამუში, ჩირი, თაფლი, მურაბები, შოკოლადი, თხილი და სხვა გემრიელი საახალწლო ნუგბარი. ბაზრობაზე იქნება ხელნაკეთი ნამუშევრების გამოფენა-გაყიდვაც (არტმანი, ფოტია, ლორინა არტ, IrenDesign, ნინო მისრიაშვილი, ხის აქსესუარები, Woodson Georgia).

23 დეკემბერს ღვინის კლუბი Vinoge.com-ის 10 წლის იუბილესაც აღვნიშნავთ.  საიუბილეო შეხვედრა ღვინის საახალწლო ბაზრობის ფარგლებში გაიმართება, ღვინის ქარხანა #1–ში, პირველ სართულზე, სარდაფში. დასაწყისი 17:00-ზე.

გელით ყველას, ვინც ამ 10 წლის მანძილზე ჩვენი საიტის ერთგული მკითხველი იყო ან იშვიათად შემოივლიდა ხოლმე. გიწვევთ ყველას, ვისაც უყვარს ღვინო, გემრიელი და ჯანსაღი საკვები! ყველას, ვისაც ღვინოსთან ერთად ცოდნაც სწყურია!

ღვინის საახალწლო ბაზრობა 2018-ის საინფორმაციო მხარდაჭერას უზრუნველყოფს ბლოგი მარანი vinoge.com და რადიო უცნობი. ჩაინიშნეთ 23-24 დეკემბერი, გვეწვიეთ ღვინის #1 ქარხანაში ღვინის საახალწლო ბაზრობაზე, გაერთეთ და ისიამოვნეთ.

საქართველოს ღვინის კლუბი

Share Button

Related Articles

კარტლისი — აგროტექნოლოგიები
მცენარეთა დაცვის საშუალებები
ტრაქტორი — ფერმერთა აპლიკაცია
თქვენი რეკლამა
Georgian Dairy
თქვენი რეკლამა
AgroPlus
ქლოროფიტუმი საუკეთესო მცენარეა ოთახში ჰაერის გასაწმენდად
522 Views

ქლოროფიტუმი (ლათ. Chlorophytum, ინგ. Spider plant) საკმაოდ უპრეტენზიო მცენარეა, მისი მოვლა მოყვარულ მებაღესაც არ გაუჭირდება, ამასთან ის საუკეთესოა ოთახში ჰაერის გაწმენდის თვალსაზრისით. მეცნიერები ოთახში ჰაერის გასაწმენდად სხადასხვა ცდებს და კვლევებს ატარებდნენ. მაგ. სპეციალურ კამერაში (მცირე

სრულად
სამკურნალო მცენარეები
ხეშავი (Rhamnus cathartica) — სამკურნალო მცენარე
1376 Views

ხეშავი ძლიერ დატოტვილი ბუჩქიანი პატარა ხეა ხეჭრელისებთა ოჯახიდან, სიმაღლით 8 მ-მდე მისი დაბრეცილი ტანი დაფარულია შავი ფერის ხაოიანი დახეთქილი კანით, რომელიც ფენა-ფენად ძვრება. ტოტები ეკლიანი აქვს. ახალგაზრდა ტოტებზე ქერქი მოწითალო-ყავისფერია, პრიალა. ყუნწიანი ფოთლები

სრულად
აგროკავკასია FB