საქართველო საფრანგეთში France 3-ზე, ფილიპ განიეს ფილმი — „ღვინის სათავეებთან“

92 Views Comment Off

საფრანგეთის ტელეარხ France 3-ზე ფრანგი დოკუმენტალისტის, ფილიპ განიეს (Philippe Gasner) ფილმის — „ღვინის სათავეებთან“  ტელე-პრემიერა შედგა. 52-წუთიანი ფილმი აღწერს ლუარელი მეღვინეების მოგზაურობას საქართველოში — როგორც ქვეყანაში, რომლის მევენახეობა-მეღვინეობის ტრადიცია ათასწლეულებს ითვლის. 

ფილიპ განიე დოკუმენტალისტიკის გარდა, თავადაც მეღვინეობის ოჯახური ტრადიციების დამცველია. ის ლუარის რეგიონში, ქალაქ სომიურში აწარმოებს ნატურალურ ღვინოს და ორგანული მეღვინეობის აქტიური მხარდამჭერია.

რამდენიმე დღის წინ მან მშობლიურ ქალაქში La Dive Bouteille-ს ღვინის გამოფენაზე ფილმი მსოფლიოს მეღვინეთა საკმაოდ ფართო საზოგადოებას წარუდგინა.

ფილმში მონაწილეობენ ფრანგი მეღვინეები, რომლებიც ეძიებენ ღვინის ისტორიულ პირველსაწყისებს, უღრმავდებიან ქართული ღვინის წარსულს და საუბრობენ მის სამომავლო გამოწვევებზეც.

ფილმის გმირები  ქართველი ნატურალისტი მეღვინეები — რამაზ ნიკოლაძე, იაგო ბიტარიშვილი, ჯონ ვურდემანი, არჩილ ნაცვლიშვილი, ამერიკელი ღვინის მწერალი — ელის ფეირინგი, რომელმაც ფილმის რეჟისორს 2011 წელს პირველად გააცნო ქართული ღვინო.

მოქმედება საქართველოში ვითარდება, მარნებსა და ვენახებში, სადაც მაყურებელი ეცნობა აქაურ მცირე საწარმოებს, ქვევრს, მარანს, ქართულ პოლიფონიურ სიმღერასა და სუფრის ტრადიციას.

გასაკვირი არ არის, რომ ფილმში დიდი ყურადღება ეთმობა ქვევრში ღვინის დაყენების უძველეს ტექნოლოგიას. განიეს თქმით,  მისი მიზანი იყო ღვინის ტექნოლოგიური განვითარების, როგორც პიროვნების, ინდივიდის ისტორიის, მისი თავგადასავალის აღწერა — თუ რა გზას გადის იგი  ვენახიდან — ჭიქაში ჩამოსხმამდე.

© საქართველოს ღვინის კლუბი, ღვინის ეროვნული სააგენტო

Share Button
In : AgroPlus

Related Articles

კარტლისი — აგროტექნოლოგიები
თქვენი რეკლამა
ტრაქტორი — ფერმერთა აპლიკაცია
აგროსფერო
კლაასი
თქვენი საეკლამო ბანერი
Georgian Dairy
AgroPlus
საქართველოში მებოცვრეობის განვითარების პერსპექტივები — ინტერვიუ ჯენიფერ ბოუმანთან
283 Views

„ვფიქრობ, საქართველო ბოცვრის ხორცის შესანიშნავი მიმწოდებელი შეიძლება იყოს სხვადასხვა ქვეყნისთვის, მათ შორის, ევროპისთვის  - ჯენიფერ

სრულად
სამკურნალო მცენარეები
ალოე — სამკურნალო თვისებები და რამდენიმე რეცეპტი
6030 Views

ალოე (ლათ. Aloe arborescens) საქართველოში ველური სახით არ გვხვდება, მაგრამ იგი თითქმის ყოველ ოჯახს აქვს და ყველასათვის კარგადაა ცნობილი, როგორც ოთახის

სრულად
აგროკავკასია FB