პარაზიტების საწინააღმდეგოდ პირუტყვის სეზონური დამუშავება დაიწყო

73 Views

სურსათის ეროვნულმა სააგენტომ, ცხოველების სეზონურ საძოვრებზე გადარეკვასთან დაკავშირებით, ვეტერინარული ზედამხედველობის პუნქტებზე (ბიოუსაფრთხოების პუნქტი) გარეგანი პარაზიტების საწინააღმდეგოდ პირუტყვის დამუშავება დაიწყო.

დღეის მდგომარეობით, ქვეყანაში სულ ბიოუსაფრთხოების ექვსი პუნქტი ფუნქციონირებს, სადაც შესაძლებელია როგორც წვრილფეხა, ასევე მსხვილფეხა პირუტყვის დამუშავება და მათი კლინიკური შემოწმება.

აღნიშნულ მომსახურებას სახელმწიფო ფერმერებს უსასყიდლოდ სთავაზობს. ცხოველთა დამუშავებისას გამოიყენება მაღალი სტანდარტების ინსექტოაკარიციდული პრეპარატები.

გატარებული ღონისძიებების მიზანია ცხოველთა ჯანმრთელობის დაცვა ინფექციური და ინვაზიური დაავადებების გადატანა-გავრცელებისაგან.

ბიოუსაფრთხოება

ბიოუსაფრთხოების პუნქტი ბეტონის საფარით მოწყობილი შემოღობილი ტერიტორიაა, სადაც განთავსებულია პირუტყვის სადეზინსექციო-გასაბანი აუზები, სადეზინსექციო საშხაპეები, წყლის რეზერვუარები, საწყობი, ვეტპუნქტი.

ბიოუსაფრთხოება

Related Articles

კარტლისი – აგროტექნოლოგიები
სამაცივრო აგრეგატები
სამაცივრე აგრეგატები
მცენარეთა დაცვის საშუალებები
მცენარეთა დაცვა
ბიოაგრო
ორგანული, ბიო, აგრო
თქვენი რეკლამა
Georgian Dairy
აგრარული საქართველო
აგროკავკასია FB